Braziliya terma jamoasi futbolchisi Danilo murabbiy Karlo Anchelotti va o‘zining sobiq jamoadoshi Krishtianu Ronalduni o‘zaro solishtirdi. Italiyalik mutaxassis «Flamengo» klubining 34 yoshli himoyachisini «selesao»ning Jahon chempionati uchun qaydnomasiga kiritgan. Avvalroq braziliyalik futbolchi «Yuventus» safida to‘p surgan va o‘sha yerda Ronaldu bilan birga o‘ynagan edi.

«Anchelotti va Ronaldu o‘zaro juda o‘xshash. Karlo ham, Krishtianu kabi, futbol olamidagi eng mashhur insonlar qatoriga kiradi, ammo kundalik hayotda o‘zini oddiy insonlardek tutadi. Qo‘lga kiritgan barcha muvaffaqiyatlariga qaramay, u kamtar bo‘lib qolgan — bu haqiqiy chempionlarga xos eng muhim fazilatlardan biridir. U aql bovar qilmas yutuqlarga erishgan, biroq xuddi hali hech narsaga erishmagandek ishlashda davom etadi», — deya Daniloning so‘zlarini keltirmoqda «Al Nassr Zone».

Ma’lumot uchun, Karlo Anchelotti 2025 yilning o‘rtalarida Braziliya terma jamoasi bosh murabbiyi etib tayinlangan edi.