“Bornmut” va AQSH terma jamoasi yarim himoyachisi Tayler Adams “Manchester Yunayted”ning qiziqishlar doirasida qolmoqda. “Qizil iblislar” vakillari 27 yoshli futbolchining “Bornmut”dagi o‘yinlaridan hayratda, biroq hozircha rasmiy taklif bilan chiqishga shoshilmayapti, deb xabar bermoqda Daily Mail.
Mankunianliklar xavbekni kuzatishda davom etishadi va katta ehtimol bilan Jahon chempionatidan keyin transfer ustida ish boshlashadi. Tayler Adams AQSH terma jamoasining Paragvayga qarshi JCH-2026 guruh bosqichi 1-turidan o‘rin olgan bahsida asosiy tarkibdan joy oldi.
Transfermarkt ekspertlari futbolchining transfer bahosini 25 million yevroga baholashmoqda.













