«Liverpul» klubi sobiq himoyachisi Jeymi Karrager ayni paytda bo‘lib o‘tayotgan JCH-2026 musobaqasida Angliya terma jamoasining chempionlik uchun imkoniyatlari haqida gapirdi.
«Angliyaliklar qanday o‘yin ko‘rsatishmasin, ular turnirning asosiy da’vogari sifatida ko‘rilmaydi. Bu jamoa fransuzlar, argentinaliklar va ispaniyaliklarga mag‘lub bo‘lishi mumkin. Bunda o‘yin uchun qanday strategiya tanlanishining hech qanday ahamiyati yo‘q», — deya futbol ekspertining so‘zlarini keltirmoqda The Telegraph nashri.
Eslatib o‘tamiz, Jahon chempionatidagi ilk uchrashuvida Angliya terma jamoasi Xorvatiya ustidan 4:2 hisobida g‘alaba qozongan edi. Tomas Tuxel shogirdlari mundialdagi navbatdagi bahsni 23 iyun kuni Gana milliy terma jamoasiga qarshi o‘tkazishadi.
