Londonning «Chelsi» klubi yozgi transfer oynasida himoyachi Malo Gyustoni sotishga tayyor. Bu haqda jurnalist Saymon Fillips xabar bermoqda.

Qayd etilishicha, agar «Chelsi» munosib taklif olsa, 23 yoshli futbolchini qo‘yib yuboradi. O‘ng qanot himoyachisining agenti «Manchester Siti» va «Inter» vakillari bilan allaqachon muzokaralar o‘tkazgan, chunki ushbu klublarning fransuzga bo‘lgan qiziqishi ortib bormoqda.

Yakunlangan klub mavsumida Gyusto barcha turnirlarda 49 ta uchrashuvda ishtirok etib, raqiblar darvozasini 3 bor ishg‘ol etdi va 5 ta golli uzatmaga mualliflik qildi.

Transfermarkt portali ma’lumotlariga ko‘ra, himoyachining bozor qiymati 35 million yevroni tashkil qiladi.