Niderlandiya terma jamoasi ustozi Ronald Kuman JCH-2026ning 1/16 finali doirasida Marokash jamoasiga qarshi kechgan va boy berilgan 11 metrlik penaltilar seriyasi haqida o‘z fikrlarini bildirdi.

«Marokashliklarning ikkinchi zarbasi juda muhim edi. U har ikki jamoaga ham ta’sir qildi. Darvozabonimiz zarbani qaytardi, biroq keyin to‘pni o‘z darvozasiga kiritib yubordi. Bunday vaziyatlar sizga qarshi ishlaganida, hammasi tugagan bo‘ladi. Beshtadan uchta 11 metrlik zarbani golga aylantira olmaslik — bu qabul qilib bo‘lmas holat», — deya mutaxassisning so‘zlarini keltiradi Vi.nl.

Eslatib o‘tamiz, Niderlandiya va Marokash o‘rtasidagi bahsning asosiy va qo‘shimcha vaqtlari 1:1 hisobidagi durang bilan yakunlandi. Penaltilar seriyasida esa «to‘q sariqlar» 2:3 hisobida imkoniyatni boy berib, mundialni tark etishdi.