«Sporting»ning 24 yoshli markaziy himoyachisi Gonsalu Inasiu «Milan»ning qiziqishlari doirasiga tushgan. Bu haqda insayder Fabrisio Romano xabar bermoqda.

Manbaga ko‘ra, Inasiu — «Milan» tarkibini kuchaytirish uchun ko‘rib chiqilayotgan uchta asosiy variantdan biri hisoblanadi. Italiya klubining yangi bosh murabbiyi Ruben Amorim yangi himoyachi sotib olmoqchi. Hozircha klub ichida ehtimoliy nomzodlar bo‘yicha muhokamalar ketmoqda.

Biroq Inasiuni qo‘lga kiritish juda qiyin bo‘lishi aytilmoqda, chunki u «Sporting»ning asosiy va o‘ta muhim futbolchisi hisoblanadi.

2025/26 yilgi mavsumda Inasiu barcha musobaqalarda 46 ta uchrashuvda maydonga tushib, 3 ta gol urdi va 3 ta golli uzatmani o‘z hisobiga yozdirib qo‘ydi.