Argentinalik hujumchi Paulo Dibala katta ehtimol bilan «Roma» klubi bilan yangi mehnat shartnomasini imzolaydi.

Insayder Fabrisio Romanoning o‘z sahifalarida xabar berishicha, Rim klubi rahbariyati futbolchi tez orada yangi bitimga imzo chekishiga to‘liq ishonmoqda. Muzokaralar yakuniy bosqichda turibdi.

Qo‘shimcha qilish joizki, Dibalaning «Roma» bilan avvalgi kelishuvi 2026 yilning 30 iyuniga qadar amal qilgan edi.

Eslatib o‘tamiz, Dibala 2022 yildan buyon «Roma» sharafini himoya qilib kelmoqda. U klub safida umumiy hisobda 140 ta o‘yinda maydonga tushib, 45 ta gol urdi va sheriklariga 30 ta golli uzatmani amalga oshirdi. Shuningdek, Dibala faoliyati davomida «Palermo» va «Yuventus» klublarida ham to‘p surgan. Hujumchi Argentina terma jamoasi safida 40 ta uchrashuvda ishtirok etgan.