«Sporting» yarim himoyachisi Morten Yulmann Madridning «Atletiko» klubiga o‘tishga yaqin turibdi. Bu haqda insayder Nikolo Skira xabar bermoqda.

Manbaning bergan ma’lumotlariga ko‘ra, «Atletiko» 27 yoshli futbolchi bilan shartnoma shartlarini kelishib olgan. Tomonlar 2031 yilgacha mo‘ljallangan hamkorlik borasida bir qarorga kelishdi. Ayni paytda «matraschilar» «Sporting» klubi bilan muzokaralarning yakuniy bosqichini olib borishmoqda. Avvalroq, transfer summasi 40 million yevroni tashkil qilishi mumkinligi xabar qilingan edi.

Yakunlangan mavsumda Yulmann barcha musobaqalarda 45 ta o‘yinda maydonga tushib, 3 ta gol urdi va 6 ta golli uzatmaga mualliflik qildi.

Ispaniya chempionatining 2025/26 yilgi mavsumi yakunlariga ko‘ra, «Atletiko» 38 turda 69 ochko jamg‘arib, turnir jadvalida to‘rtinchi o‘rinni egalladi.