«Boka Xuniors» klubining hujumkor yarim himoyachisi Tomas Aranda Londonning «Arsenal» klubi radariga tushdi. Bu haqdagi ma’lumot bilan jurnalist Ekrem Konur o‘rtoqlashdi.
Manbaning bergan ma’lumotlariga ko‘ra, «Arsenal» Janubiy Amerikaning eng istiqbolli futbolchilaridan biri hisoblangan Arandaga qiziqish bildirmoqda. Klub uni diqqat bilan kuzatib, rivojlanishini baholab bormoqda, biroq hozircha rasmiy taklif kiritish borasida yakuniy qarorga kelgani yo‘q.
Ta’kidlanishicha, Arandaning «Boka Xuniors» bilan shartnomasida 17,5 million yevro miqdorida tovon puli belgilangan. Biroq, 19 yoshli xavbekka nafaqat «Arsenal», balki A Seriya, Bundesliga va La Liga klublari tomonidan ham jiddiy qiziqish mavjud.
Joriy 2026 yilda Aranda barcha turnirlarni hisobga olgan holda 22 ta uchrashuvda maydonga tushdi, 2 ta gol urdi va 2 ta golli uzatmani o‘z hisobiga yozdirib qo‘ydi.
