ESPN xabariga ko‘ra, Yevroparlament FIFA prezidenti Janni Infantinoga nisbatan JCH-2026 vaqtida AQSH rahbari Donald Tramp bilan bo‘lgan muloqotlari sababli tekshiruv o‘tkazmoqchi.
Avvalroq AQSH prezidenti Infantinoga qo‘ng‘iroq qilib, jahon chempionatida AQSH terma jamoasi futbolchisiga berilgan qizil kartochkani bekor qilishni so‘ragani ma’lum bo‘lgan edi. FIFA chindan ham chetlatishni bekor qildi, biroq tashkilotning bayonotiga ko‘ra, bu Trampning qo‘ng‘irog‘i bilan bog‘liq emas.
Ta’kidlanishicha, FIFA etika qo‘mitasiga AQSH o‘yinchisiga berilgan qizil kartochkaning bekor qilinishi holati yuzasidan 30 dan ortiq norozilik xati va shikoyatlar yuborilgan. Yevroparlamentda «Infantino va FIFA Tramp ma’muriyatining talablariga bo‘ysunayotgani» hisoblanmoqda.
Tekshiruv doirasida Trampning FIFA prezidentiga qilgan qo‘ng‘irog‘i qizil kartochkani bekor qilish qaroriga haqiqatan ham ta’sir qilganmi yoki yo‘qligi aniqlanadi.
