Hujumchi Ferran Torres tanqidlar nishoniga aylandi. Jahon chempionati doirasida Ispaniya va Belgiya terma jamoalari o‘rtasidagi o‘yin oldidan Torres maxsus idishda «mate» ichimligini ichdi. Bu Lionel Messi juda yaxshi ko‘radigan ichimlik hisoblanadi. Mate Argentina, Urugvay va Paragvay kabi mamlakatlar uchun an’anaviy ichimlikdir.
Noticiasdel6 sahifalarida ijtimoiy tarmoqlarda Torresga nisbatan bildirilgan tanqidlar haqida maqola e’lon qilindi. Ispaniyalik muxlislar futbolchini mate ichgani uchun mazax qilishdi.
«Biroz mamlakatingni hurmat qil, Ferran, axir sen ispaniyaliksan», — bu ko‘plab izohlardan faqat bittasi xolos.
Ispaniya Belgiyani mag‘lub etdi (2:1) va JCH-2026 yarim finaliga yo‘l oldi.
