Fransiyaning Ispaniyadagi elchixonasi milliy terma jamoa futbolchilarining barchasi fransuz ekanligini eslatib o‘tdi.

«Munozaraga kirishishni istamagan holda, faktlarni eslatib o‘tish joiz. Fransiya terma jamoasining barcha o‘yinchilari — fransuzlar. 26 nafar futbolchidan 23 nafari Fransiyada tug‘ilgan. Mamlakat tashqarisida tug‘ilgan uch nafari ham fransuzlardir», — deyiladi elchixona xabarida.

Avvalroq Ispaniyaning sobiq bosh vaziri Mariano Raxoy JCH-2026 yarim finalida Fransiya terma jamoasi bilan bo‘ladigan uchrashuv haqida gapirar ekan, shunday degandi: «Ularda ajoyib tarkib bor — to‘g‘ri, fransuzlarsiz. Mening ichimda biz g‘alaba qozonamiz, degan hissiyot bor».

Bundan tashqari, Argentinaning Mendosa provinsiyasi vise-gubernatori Ebe Kasado Fransiya terma jamoasini «xulq-atvori yomon afrikalik jamoa» deb atagandi. Keyinchalik amaldor o‘z so‘zlarini irqchilik deb hisoblamasligini bildirdi. Ushbu mojaro fonida Fransiyaning Argentinadagi elchixonasi Kasadoni «nomaqbul shaxs» (persona non grata) deb e’lon qildi.