«Yuventus» hujumchisi Loi Openda Fransiyaning «Lans» klubi ro‘yxatida turibdi.
Jurnalist Nikolo Skiraning xabar berishicha, «Lans» yozda «RB Leypsig»dan Italiyaga doimiy ravishda ko‘chib o‘tgan 26 yoshli belgiyalik futbolchini ijaraga olish bo‘yicha «Yuventus»ga so‘rov yuborgan. Biroq qayd etilishicha, «Lans» hujumchining yiliga to‘rt million yevrolik maoshini to‘liq to‘lashga tayyor emas va «Yuventus»dan moliyaviy yordam so‘ramoqda.
Turinliklar o‘tgan yozda hujumchini «RB Leypsig»dan majburiy sotib olish sharti bilan ijaraga olgan edi, ammo hozirda uni sotib yuborishni istashmoqda. Openda jamoa safida barcha turnirlarda 34 ta uchrashuvda maydonga tushib, ikkita gol urdi.
Futbolchining «Yuventus» bilan tuzgan mehnat shartnomasi 2030 yilgacha mo‘ljallangan.
