Ispan futboli faxriysi Ander Errera 2009 yilda faoliyatini boshlagan qadrdon klubi — "Saragosa"ga qaytdi. Aragon jamoasidan tashqari, Errera o‘z faoliyati davomida "PSJ", "Manchester Yunayted" va "Atletik" kabi klublarda to‘p surishga ulgurgan. Xususan, u Bilbao jamoasi bilan "Qirol kubogi"ni qo‘lga kiritgan.
Hozir 37 yoshda bo‘lgan futbolchi o‘z qadrdon klubiga qaytishga qaror qildi. U "Saragosa"ning yangi avlod vakillariga o‘z tajribasini ulashmoqchi. Eslatib o‘tamiz, "Saragosa" 2013 yilda "La Liga"dan chiqib ketganidan so‘ng, Ispaniya futbolining yuqori divizioniga qayta olmadi. Jamoa achinarli ahvolda qolib, yakunlangan mavsum natijalariga ko‘ra, kuchlilik bo‘yicha uchinchi liga hisoblangan "Tersera"ga tushib ketdi.
