Londonning «Arsenal» klubi sobiq futbolchisi Martin Kioun Xabi Alonsoning «Chelsi» bosh murabbiyi etib tayinlanishi haqida o‘z fikrlari bilan o‘rtoqlashdi.
«Menimcha, Xabi Alonso — ajoyib murabbiy. U buni «Bayer»da isbotladi, shunday emasmi? «Bayer» butun mavsumni mag‘lubiyatsiz o‘tkazib, barcha ichki sovrinlarni qo‘lga kiritdi. Shu bois, Alonso «Chelsi»da yaxshi ish olib borishiga ishonaman», — dedi Kioun talkSPORTga bergan intervyusida.
Eslatib o‘tamiz, Xabi Alonso «Chelsi» bilan 2030 yilning 30 iyuniga qadar mo‘ljallangan shartnoma imzoladi. O‘tgan hafta ispaniyalik mutaxassis Kobxemdagi mashg‘ulot bazasida London klubi futbolchilari bilan ishni boshlab yubordi.
