«Bavariya» yarim himoyachi Maykl Olise bilan xayrlashish niyatida emas, deb xabar bermoqda jurnalist Florian Plettenberg.

Manbaga ko‘ra, Myunxen klubida 24 yoshli futbolchi atrofidagi vaziyat bo‘yicha xotirjamlik saqlanmoqda. Ta’kidlanishicha, «Real» prezidenti Florentino Peres shaxsan «Bavariya»ni Madrid klubi yozgi transferlar oynasida Oliseni sotib olishga urinmasligiga ishontirgan. Bundan tashqari, hozirgi kunga qadar na Olise, na uning vakillari «Bavariya»ni jamoadan ketish istagi borligi haqida ogohlantirgan.

Myunxenliklar yarim himoyachi bilan shartnomani uzaytirib, uni «Bavariya»ning eng ko‘p maosh oluvchi futbolchilaridan biriga aylantirmoqchi.

Olisening «Bavariya» bilan amaldagi shartnomasi 2029 yilgacha mo‘ljallangan. 2025/26 yilgi mavsumda Olise myunxenliklar safida barcha turnirlarda 52 ta o‘yin o‘tkazib, 22 ta gol urdi va 31 ta golli uzatmani amalga oshirdi. 2026 yilgi Jahon chempionatida esa u Fransiya terma jamoasi safida 7 ta o‘yinda 6 ta golli uzatmaga mualliflik qildi.