Superog‘ir vazn toifasida mag‘lubiyat nimaligini bilmay kelayotgan sobiq mutlaq jahon chempioni, ukrainalik Aleksandr Usik 2026 yilgi jahon chempionati finalida kimga muxlislik qilayotganini ma’lum qildi.
Ispaniya va Argentina terma jamoalari yakshanba, 19 iyul kuni jahon chempionati finalida o‘zaro to‘qnash kelishadi. O‘yin «Metlayf» stadionida (Ist-Raterford, AQSH) bo‘lib o‘tadi. Uchrashuvda sloveniyalik Slavko Vinchich bosh hakamlik qiladi.
«Men Ispaniyaning g‘alaba qozonishini xohlayman va ushbu terma jamoaga muxlislik qilaman, chunki Portugaliya mag‘lub bo‘ldi, endi esa ispanlarda g‘alaba qozonish uchun imkoniyat bor. Ispaniya umuman boshqa darajada o‘yin ko‘rsatmoqda», — deya Usikning so‘zlarini Last Word On Sports portali keltirmoqda.
