Braziliyalik hujumchi Neymar Lionel Messining jahon chempionati finalidagi mag‘lubiyatdan keyingi reaksiyasi haqida fikr bildirdi.
Jurnalistlar hujumchidan argentinalik futbolchining o‘yindan keyingi ko‘zyoshlarini ko‘rib qanday hissiyotlarni his qilganini so‘rashdi.
«Uning yig‘layotganini va ko‘zlaridagi yoshni ko‘rish chindan ham yurakni ezadigan holat edi. Men doimo uning shu sovrin — jahon chempionatini yutishini va faoliyatini jahon kubogi bilan yakunlashini istardim. Uning uchun rostdan ham juda xafaman», — deya Neymarning so‘zlarini keltiradi lndian Sports Network.
Eslatib o‘tamiz, Neymar va Messi ilgari «Barselona» va «PSJ» safida birga to‘p surishgan. Messi esa o‘z terma jamoasi bilan 2022 yilda jahon chempioni bo‘lgan edi.
