Hujumkor yarim himoyachi Magnes Akliush "Monako"dan "PSJ"ga o‘tishga yaqinlashmoqda. L’Equipe nashrining xabar berishicha, monegaskliklar parijliklarning 50 million yevrolik taklifini qabul qilishdi. Klublar o‘rtasidagi kelishuv yakunlanish arafasida.
Magnes Akliush "Monako" yoshlar tizimining tarbiyalanuvchisi. U "qizil-oqlar"ning asosiy jamoasida turli musobaqalarda 139 ta rasmiy o‘yinda maydonga tushib, 23 ta gol urgan va 28 ta golli uzatma bergan.
Bu yozda 24 yoshli Akliush Fransiya terma jamoasi bilan Jahon chempionatiga yo‘l oldi. Biroq, u guruh bosqichida faqat bitta o‘yinda maydonga tushdi.
