«Tottenxem» «Bornmut» hujumchisi Eli Krupining transferi barbod bo‘lganidan so‘ng, «Barselona» hujumchisi Ferran Torresga qiziqish bildirmoqda. Bu haqda Sport.es nashri xabar beradi.

Manbaning ma’lumotlariga ko‘ra, «Arsenal» ham 2026 yilgi Jahon chempioniga bo‘lgan qiziqishini faollashtirgan, chunki «Real» vingeri Vinisius Juniorni sotib olish bo‘yicha muzokaralarda ilgarilab keta olmagan. Shuningdek, Madridning «Atletiko»sidan Xulian Alvaresni transfer qilish varianti ham kam ehtimolli deb baholanmoqda.

Ta’kidlanishicha, «Barselona» hanuzgacha hujumchi bilan amaldagi shartnomani uzaytirishdan manfaatdor. Torresning kelajagi uning o‘z qaroriga bog‘liq bo‘lib turibdi.

O‘tgan mavsumda Torres barcha turnirlarda 49 ta o‘yinda maydonga tushib, 21 ta gol urgan va 3 ta golli uzatmaga mualliflik qilgan. Futbolchining klub bilan amaldagi mehnat shartnomasi 2027 yilning yozigacha mo‘ljallangan. Transfermarkt portalida keltirilgan ma’lumotga ko‘ra, uning bozor qiymati 50 million yevroni tashkil etadi.