«Ayaks» futbolchisi Mika Godts «Pari Sen-Jermen»ning transfer nishoniga aylandi.
Insayder Fabrisio Romanoning eksklyuziv xabariga ko‘ra, Parij grandi 21 yoshli o‘yinchi transferi bo‘yicha allaqachon muzokaralarni boshlagan. Kelajagi porloq belgiyalik vinger «Monako»dan o‘tishi deyarli hal bo‘lgan Magnes Akliushga qo‘shimcha sifatida sotib olinadi.
Transfermarkt portali ekspertlari Mika Godtsning transfer qiymatini 35 million yevroga baholamoqda. Yosh vinger Amsterdam klubining asosiy jamoasi tarkibida umumiy hisobda 113 ta o‘yinda maydonga tushib, o‘z hisobiga 25 ta gol va 27 ta golli uzatma yozib qo‘ygan. Shuningdek, u Belgiya terma jamoasi safida 2 ta o‘yinda ishtirok etgan.
