«Inter» bosh murabbiyi Kristian Kivu «Milan»ga qarshi o‘rtoqlik o‘yinida jamoa duch kelgan qiyinchiliklar haqida gapirib berdi.
Chorshanba kuni Avstraliyada bo‘lib o‘tgan derbi 1:1 hisobidagi durang bilan yakunlandi.
«Uchrashuv boshida qiyinchiliklarga duch keldik, maydondagi bo‘sh hududlardan to‘g‘ri foydalanmadik. To‘pga egalik qilishda, o‘z darvozamizdan hujum boshlash bosqichida bir nechta keraksiz xatolarga yo‘l qo‘ydik, ba’zida futbolchilar juda shoshilib qolishdi. Raqibga ham qoyil qolish kerak, ular o‘z pressingi bilan ishimizni qiyinlashtirishdi. Vaqt o‘tishi bilan moslasha oldik va bosimdan chiqish yo‘llarini topdik. Umuman olganda, juda yaxshi harakat qildik deb o‘ylayman», — deydi Kivuning so‘zlarini keltirgan Inter TV.
«Inter» tarkibida 52-daqiqada hisobni ochgan Federiko Dimarko gol muallifiga aylandi. «Milan»dan esa Kristofer Nkunku javob qaytardi — u bahs yakunida penaltini aniq amalga oshirdi.
