«Интер» бош мураббийи Кристиан Киву «Милан»га қарши ўртоқлик ўйинида жамоа дуч келган қийинчиликлар ҳақида гапириб берди.

Чоршанба куни Австралияда бўлиб ўтган дерби 1:1 ҳисобидаги дуранг билан якунланди.

«Учрашув бошида қийинчиликларга дуч келдик, майдондаги бўш ҳудудлардан тўғри фойдаланмадик. Тўпга эгалик қилишда, ўз дарвозамиздан ҳужум бошлаш босқичида бир нечта кераксиз хатоларга йўл қўйдик, баъзида футболчилар жуда шошилиб қолишди. Рақибга ҳам қойил қолиш керак, улар ўз прессинги билан ишимизни қийинлаштиришди. Вақт ўтиши билан мослаша олдик ва босимдан чиқиш йўлларини топдик. Умуман олганда, жуда яхши ҳаракат қилдик деб ўйлайман», — дейди Кивунинг сўзларини келтирган Inter TV.

«Интер» таркибида 52-дақиқада ҳисобни очган Федерико Димарко гол муаллифига айланди. «Милан»дан эса Кристофер Нкунку жавоб қайтарди — у баҳс якунида пенальтини аниқ амалга оширди.