Yarim himoyachi Rodri nomini Ispaniya grandlari — «Real» va «Barselona» bilan bog‘lashda davom etishmoqda.
Cadena COPE xabariga ko‘ra, yoz boshida Kataloniya klubiga Rodrini 60 million yevroga sotib olish taklif qilingan edi. Biroq 30 yoshli futbolchi «ko‘k-anorranglilar» uchun moliyaviy feyr-pley cheklovlariga sig‘dirish qiyin bo‘lgan maoshni talab qilgan.
Bundan tashqari, «Barselona»da Rodri va «Real» o‘rtasidagi kelishuv haqida ma’lumot bor edi, qolaversa, Kataloniya jamoasining yarim himoya chizig‘i yaxshi shakllangan edi.
Xullas, «Barselona» o‘shanda Rodridan voz kechgan va e’tiborini hujum chizig‘ini kuchaytirishga qaratgandi. Hozirda esa «ko‘k-anorranglilar» xavbekning vaziyatini kuzatib borishmoqda.
