«Roma» yarim himoyachisi Lorenso Pellegrini shartnomasini bir mavsumga — 2027 yilning yoziga qadar uzaytirish bo‘yicha kelishib oldi. Tomonlar hujjatlarni rasmiylashtirishni yakunlashmoqda.
30 yoshli futbolchining shartnomasi iyun oyida yakuniga yetgan edi. Avvalroq «Roma» o‘yinchini olib qolishdan manfaatdor ekani haqida xabar berilgandi. Bahorda Pellegriniga Seriya A va APL klublari tomonidan qiziqish bo‘lgan, biroq futbolchi uchun «Roma» tarkibida o‘ynashda davom etish asosiy ustuvor vazifa edi.
O‘tgan mavsumda Lorenso klub safida barcha turnirlarda 33 ta o‘yin o‘tkazdi. Yarim himoyachi o‘z hisobiga 7 ta gol va 4 ta golli uzatma yozdirib qo‘ydi. Mavsum oxirini Pellegrini jarohat sababli o‘tkazib yubordi.
«Roma» Seriya Aning o‘tgan mavsumini uchinchi o‘rinda yakunladi va keyingi mavsum uchun Chempionlar Ligasining asosiy bosqichiga to‘g‘ridan-to‘g‘ri yo‘llanmani qo‘lga kiritdi. Bo‘lajak 2026/27 yilgi mavsumda Djan Pyero Gasperini jamoasi 24 avgust kuni «Fiorentina»ga qarshi o‘yin bilan start oladi.
