«Barselona» hujumchisi Ferran Torres «PSJ» bilan shaxsiy shartnoma shartlari bo‘yicha kelishuvga erishdi.
Bu haqda jurnalist Florian Plettenberg ijtimoiy tarmoqlarda xabar berdi. Endi «PSJ» va «Barselona» futbolchining transferi bo‘yicha to‘g‘ridan-to‘g‘ri muzokaralarni boshlaydi.
Qayd etilishicha, tomonlar hali transferning ayrim tafsilotlarini kelishib olishi kerak. Shu bois bitimni rasmiylashtirish uchun ma’lum vaqt talab etiladi.
Torres 2022 yil yanvaridan buyon «Barselona» sharafini himoya qilib kelmoqda. Unga qadar ispaniyalik futbolchi «Manchester Siti» va «Valensiya» klublarida ham o‘ynagan.
Hujumchining kataloniyaliklar bilan amaldagi shartnomasi 2027 yil yoziga qadar mo‘ljallangan. Uning ayni paytdagi bozor qiymati 55 million yevro deb baholanmoqda.
