«Барселона» ҳужумчиси Ферран Торрес «ПСЖ» билан шахсий шартнома шартлари бўйича келишувга эришди.
Бу ҳақда журналист Флориан Плеттенберг ижтимоий тармоқларда хабар берди. Энди «ПСЖ» ва «Барселона» футболчининг трансфери бўйича тўғридан-тўғри музокараларни бошлайди.
Қайд этилишича, томонлар ҳали трансфернинг айрим тафсилотларини келишиб олиши керак. Шу боис битимни расмийлаштириш учун маълум вақт талаб этилади.
Торрес 2022 йил январидан буён «Барселона» шарафини ҳимоя қилиб келмоқда. Унга қадар испаниялик футболчи «Манчестер Сити» ва «Валенсия» клубларида ҳам ўйнаган.
Ҳужумчининг каталонияликлар билан амалдаги шартномаси 2027 йил ёзига қадар мўлжалланган. Унинг айни пайтдаги бозор қиймати 55 миллион евро деб баҳоланмоқда.
