«Barselona»ning o‘ng qanot himoyachisi Ektor Fort faoliyatini Angliya Premyer-ligasida davom ettirishi mumkin.

Jurnalist Sebastyen Vidal xabariga ko‘ra, 20 yoshli futbolchini o‘z safiga qo‘shib olishga «Everton» qiziqish bildirmoqda. Kataloniya klubi ushbu yozda o‘z tarbiyalanuvchisi bilan xayrlashishga tayyor, chunki u asosiy tarkibdan joy olishi amrimahol.

Ektor Fortga da’vogarlar orasida «Fulxem» va Milanning «Inter» klublari ham tilga olinmoqda. O‘tgan mavsumda lateral ijara huquqi asosida «Elche»da to‘p surdi, ammo jarohatlar tufayli maydonda bor-yo‘g‘i 17 marotaba ko‘rinish berib, 3 ta gol va 2 ta golli uzatmaga mualliflik qildi.