«Aston Villa» himoyachisi Ezri Konsa «Arsenal» libosini kiyishga yaqin turibdi. The Athletic xabariga ko‘ra, London klubi Konsaning transferi bo‘yicha kelishib oldi. «Aston Villa» 51 million funt (taxminan 60 million yevro) oladi. Bonuslar evaziga birmingemliklarning daromadi yanada oshishi mumkin.

28 yoshli Konsa «Aston Villa» futbolchilari bilan xayrlashib bo‘lgan. Payshanba kuni himoyachi «Arsenal» uchun tibbiy ko‘rikdan o‘tishi kutilmoqda.

Ezri Konsa markaziy himoyada ham, o‘ng qanotda ham o‘ynay oladi. Futbolchi Angliya terma jamoasi safida 28 ta o‘yin o‘tkazib, 2 ta gol urgan.