"Arsenal" bosh murabbiyi Mikel Arteta Angliya Premyer-ligasi 1-turidan o‘rin olgan "Koventri Siti"ga qarshi uchrashuv oldidan jamoa futbolchilarining holati haqida ma’lumot berdi. Shuningdek, ispaniyalik mutaxassis tarkibda qancha futbolchi bo‘lishi maqbul ekani haqidagi fikrlari bilan o‘rtoqlashdi.

"Bukayo Saka va Deklan Rays o‘yinda ishtirok etishga tayyor. Timber shu hafta jamoaviy mashg‘ulotlarga qo‘shila oladimi? Yo‘q. Avval ham aytganimdek, bu yaqin bir necha hafta ichida sodir bo‘lishi mumkin. Hozircha u jamoa bilan mashg‘ulot o‘tkazmayapti.

Jamoa qaydnomasida qancha futbolchi bo‘lishi maqbul? Bu o‘yinchilarning tayyorligi va formasiga bog‘liq. Bu yerda hisobga olinishi kerak bo‘lgan ko‘plab omillar bor. 22 nafar futbolchi va uch-to‘rt nafar darvozabon yetarli bo‘lishi mumkin, balki ko‘proq ham kerakdir.

O‘tgan mavsumda nimalar sodir bo‘lganini, futbolchilarning jarohatlar tarixini va ayrim o‘yinchilarning bir nechta pozisiyada harakat qila olishini ham hisobga olish kerak. Ishonchim komilki, biz to‘g‘ri miqdorni aniqlaymiz. Yuqori raqobat, jamoa ichidagi to‘g‘ri munosabat va har bir futbolchining o‘zini muhim his qilishi katta ahamiyatga ega", — dedi Arteta.

"Arsenal" va "Koventri" o‘rtasidagi APL 1-tur uchrashuvi 21 avgust kuni Londonda bo‘lib o‘tadi.