«Liverpul» hujumchisi Kodi Gakpo yozgi transfer oynasida jamoasini almashtirishi mumkin.

Insayder Fabrisio Romanoning ma’lum qilishicha, mersisaydliklar niderlandiyalik futbolchini faqat yaqin 8 kun ichida ikki nafar yangi vinger bilan shartnoma imzolay olsagina qo‘yib yuborishga tayyor.

«Tottenxem» hali iyul oyidayoq 27 yoshli futbolchi bilan shaxsiy shartnoma borasida og‘zaki kelishuvga erishgan. Ayni paytda Gakpo uchun kurashga «Manchester Siti» ham qo‘shilgan va futbolchining vakillari bilan muzokara olib bormoqda.

Gakpo o‘tgan mavsum barcha musobaqalarda 52 ta o‘yin o‘tkazib, 9 ta gol urdi va 6 ta golli uzatmani amalga oshirdi. U yangi mavsumni ham gol bilan boshlab, «Nyukasl»ga qarshi uchrashuvda raqib darvozasini ishg‘ol qildi.

«Liverpul»ning hujum chizig‘ini kuchaytirishdagi asosiy maqsadlaridan biri hamon «PSJ» vingeri Bredli Barkola bo‘lib turibdi. Shuningdek, klub boshqa qanot hujumchilari bo‘yicha ham ish olib bormoqda.