«Roma» hujumchisi Doniell Malen Italiya chempionati 1-turida «Fiorentina» ustidan qozonilgan 4:0 hisobidagi g‘alabadan so‘ng fikr bildirdi.

«Bu ajoyib. Dibaladek sherik bilan o‘ynayotganimdan juda xursandman, chunki u mening barcha harakatlarimni tushunadi va gol urishim uchun bo‘sh hudud yaratadi. «Roma» safida yana o‘ynayotganimdan mamnunman. O‘tgani o‘tdi. Endi hammasini yangidan boshladik va men stadion energiyasini his qildim», — deya 27 yoshli niderlandiyalik futbolchining so‘zlarini DAZN keltirdi.

«Fiorentina»ga qarshi bahsda Malen xet-trik qayd etdi. Uning barcha uchta goliga ham yarim himoyachi Paulo Dibala assistentlik qildi.