«Рома» ҳужумчиси Дониэлл Мален Италия чемпионати 1-турида «Фиорентина» устидан қозонилган 4:0 ҳисобидаги ғалабадан сўнг фикр билдирди.

«Бу ажойиб. Дибаладек шерик билан ўйнаётганимдан жуда хурсандман, чунки у менинг барча ҳаракатларимни тушунади ва гол уришим учун бўш ҳудуд яратади. «Рома» сафида яна ўйнаётганимдан мамнунман. Ўтгани ўтди. Энди ҳаммасини янгидан бошладик ва мен стадион энергиясини ҳис қилдим», — дея 27 ёшли нидерландиялик футболчининг сўзларини DAZN келтирди.

«Фиорентина»га қарши баҳсда Мален хет-трик қайд этди. Унинг барча учта голига ҳам ярим ҳимоячи Пауло Дибала ассистентлик қилди.