Portugaliya terma jamoasining sobiq himoyachisi Brunu Alvesh mamlakat futbol federasiyasida ish boshladi. Bu haqda Portugaliya futbol federasiyasi rasmiy sayti xabar berdi.

Ma’lum qilinishicha, u milliy terma jamoalar tuzilmasida faoliyat olib boradi va Portugaliya termasi bosh murabbiyi Jorje Jezush, shuningdek, terma jamoalar uchun mas’ul ijrochi direktor Lourensu Koelyu bilan yaqin hamkorlik qiladi. Federasiya Brunu Alveshning aniq lavozimi nomini ma’lum qilmagan.

44 yoshli sobiq futbolchi bunga qadar «Riu Ave» klubida texnik direktor lavozimida ishlab kelayotgandi.

Brunu Alvesh Portugaliya terma jamoasi safida 96 ta o‘yin o‘tkazib, 11 ta gol urgan. U milliy jamoa bilan 2016 yilda Yevropa chempioni bo‘lgan.