«Tottenxem»ning yangi futbolchisi Savinyo London klubi bilan shartnoma imzolaganidan so‘ng o‘z fikrlari bilan o‘rtoqlashdi. 25 avgust kuni «shporlar» matbuot xizmati 22 yoshli braziliyalik futbolchi «Manchester Siti»dan transfer qilinganini rasman e’lon qilgan edi.
«Men bu yerda ekanimdan va shunday buyuk klubda, dunyoning eng yaxshi murabbiylaridan biri qo‘l ostida o‘ynash imkoniyatiga ega bo‘lganimdan juda xursandman. Murabbiy bilan gaplashishim bilan bu yerga kelishim kerakligini tushundim. U menga eng yuqori cho‘qqilarga erishishga yordam berishini aytdi. Ishonchim komilki, buni uddalay olamiz», — dedi Savinyo klub matbuot xizmatiga.
Eslatib o‘tamiz, «Tottenxem»ning navbatdagi o‘yini ertaga, 26 avgust kuni bo‘lib o‘tadi. Ushbu kunda «shporlar» Angliya liga kubogining ikkinchi bosqichi doirasida «Charlton»ni qabul qiladi. Uchrashuv Toshkent vaqti bilan soat 23:45 da boshlanishi rejalashtirilgan.
