«Liverpul» va «PSJ» hujumchi Bredli Barkolaning ehtimoliy transferi bo‘yicha muzokaralarning muhim bosqichini o‘tkazmoqda.

Jurnalist Devid Ornshteyn ma’lumotiga ko‘ra, bugungi muzokaralar tomonlar kelishuvga yaqinlasha oladimi-yo‘qmi, shuni ko‘rsatib beradi. Fransiyalik futbolchining o‘zi faoliyatini mersisaydliklar safida davom ettirish niyatida.

Barkola «PSJ» rahbariyatiga yangi shartnoma imzolamoqchi emasligini va «Liverpul»ga o‘tishni xohlayotganini allaqachon ma’lum qilgan.

Hozircha transfer yo‘lidagi asosiy to‘siq moliyaviy masala bo‘lib turibdi. Parij klubi Barkolani taxminan 145 million funtga baholamoqda. «Liverpul» esa futbolchining transferini 100 million funt atrofidagi summaga amalga oshirishni rejalashtirmoqda.