Londonning "Chelsi" klubi "Bornmut" yarim himoyachisi Aleks Skottni o‘z safiga qo‘shib olish harakatlarini davom ettirmoqda. Bu haqda The Independent xabar berdi.

Avvalroq "Bornmut" 23 yoshli angliyalik futbolchi uchun "Chelsi"ning uchta taklifini rad etgani ma’lum qilingan edi.

Manbaga ko‘ra, "ko‘klar" yaqin vaqt ichida yangi taklif yubormoqchi. Hozircha "Bornmut" Skott bo‘yicha barcha murojaatlarni rad etmoqda, ammo 93 million yevrodan yuqori taklif vaziyatni o‘zgartirishi mumkin.

Agar summa 105 million yevro atrofiga yetsa, transfer amalga oshishi ehtimoli yanada oshishi aytilmoqda.

Angliya Premyer-ligasining yangi mavsumi 1-turida Skott "Manchester Siti"ga qarshi bahsda 90 daqiqa maydonda harakat qildi. "Bornmut" 1:2 hisobida mag‘lub bo‘ldi, futbolchi esa golli harakat qayd etmadi.