«Aston Villa», «Barselona» va «Tottenxem» «Monako» va AQSH terma jamoasi hujumchisi Folarin Balogunga qiziqish bildirmoqda. 25 yoshli forvard transfer oynasining so‘nggi kunlarida Fransiya klubini tark etishi mumkin.
Balogun 2023 yildan buyon «Monako»da o‘ynab kelmoqda. O‘tgan mavsum uning faoliyatidagi eng sermahsul mavsum bo‘ldi.
«Aston Villa»ning qiziqishi Olli Uotkinsning ehtimoliy ketishi bilan bog‘liq. «Tottenxem» Risharlisonga o‘rinbosar izlamoqda, «Barselona» esa Robert Levandovskiga doimiy o‘rinbosar topa olmayapti.
Joriy transfer oynasida «Monako» futbolchi uchun aniq narx belgilamadi. Bitimni amalga oshirish uchun klublar muzokaralarni tezlashtirishi kerak.
