Londonning «Arsenal» klubi rahbariyati «Everton»ning senegallik hujumchisi Iliman Ndiayeni yozgi transfer oynasida o‘z safiga qo‘shib olishga qiziqmoqda.

Insayder Ben Jeykobs ma’lumotlariga ko‘ra, London klubi bu yozda hujum chizig‘ini kuchaytirishni rejalashtirmoqda. «Kanonirlar» 26 yoshli senegallik futbolchiga qiziqish bildirmoqda, biroq «Arsenal» uchun asosiy maqsad hozircha Madridning «Atletiko» klubi hujumchisi Xulian Alvaresni transfer qilish bo‘lib qolmoqda.

Qayd etilishicha, «Everton» Ndiayening transfer qiymatini 100 million yevro deb baholamoqda.

Eslatib o‘tamiz, o‘tgan mavsumda Iliman Ndiaye Angliya chempionatida «Everton» tarkibida 32 ta uchrashuvda maydonga tushib, 6 ta gol urdi va 3 ta golli uzatma amalga oshirdi.