«Barselona» bosh murabbiyi Xans-Diter Flik klub yangi futbolchisi Rodrining 2026/2027 yilgi mavsum La Ligasining 1-turidan qoldirilgan «Atletik» Bilbaoga qarshi o‘yindagi debyuti haqida fikr bildirdi. Uchrashuv «Barselona»ning 2:0 hisobidagi g‘alabasi bilan yakunlandi.
«Uning «Barselona»da o‘ynayotganidan hamma xursand. U bizning falsafamiz va o‘yin uslubimizga juda mos keladi», — deya Flikning so‘zlarini «Barselona» rasmiy sayti keltirdi.
Kataloniya klubi Rodrining transferini 18 avgust kuni rasman e’lon qilgan. Ispaniyalik yarim himoyachi bilan shartnoma 2030 yil 30 iyuniga qadar amal qiladi. OAV ma’lumotlariga ko‘ra, transferning kafolatlangan qiymati 60 million yevroni tashkil etgan. Yana 11 million yevroni kataloniyaliklar bajarilishi mumkin bo‘lgan bonuslar ko‘rinishida to‘lashi mumkin.
«Barselona» La Liganing 2026/2027 yilgi mavsumidagi ilk o‘yinida 2-tur doirasida «Elche»ni 5:0 hisobida mag‘lub etgan va 6 ochko bilan turnir jadvalida birinchi o‘rinda bormoqda.
