Rafael Leau «Galatasaray»da «Aston Villa» taklif qilganidan ko‘proq maosh oladi.

Insayder Janluka Di Marsio ma’lumotiga ko‘ra, Birmingem klubi «Milan» vingeriga yiliga 7,5 million yevro taklif qilgan, ammo bu summa futbolchini qoniqtirmagan va u Istanbul klubini tanlagan.

Turkiyada Leau yiliga 10 million yevro va qo‘shimcha bonuslar oladi. Jurnalist Yagiz Sabunjuog‘luning ma’lum qilishicha, futbolchining maoshi yanada yuqori — 12 million yevro va bonuslarni tashkil etishi mumkin.

Portugaliyalik futbolchining «Galatasaray» bilan shartnomasi 2030 yilgacha mo‘ljallanadi.

Di Marsio ma’lumotiga ko‘ra, «Milan» transferdan 43 million yevro oladi va yana 2 million yevro bonuslarga ega bo‘lishi mumkin. Shuningdek, agar «Galatasaray» kelajakda Leauni boshqa klubga sotsa, «Milan» ushbu transferdan olinadigan foydaning 20 foizini qo‘lga kiritadi.

Avvalroq esa transfer summasi 45 million yevro va yana 5 million yevro bonuslarni tashkil etishi xabar qilingan edi.