Filipe Luis iyun oyida Fransiyaning «Monako» klubi bosh murabbiyi etib tayinlangan edi. Hozircha uning jamoa boshqaruvidagi faoliyati juda muvaffaqiyatli kechmoqda — monegasklar uning qo‘l ostida o‘tkazgan dastlabki uchta uchrashuvning barchasida g‘alaba qozondi.

Avvaliga «Monako» Konferensiyalar ligasi saralash bosqichida Polshaning «Gurnik» klubiga qarshi ikki o‘yin o‘tkazib, har ikkisida ham g‘olib chiqdi. Shundan so‘ng Liga 1ning 1-turida «Gavr»ga qarshi bahsda minimal hisobda g‘alaba qozondi.

Shu tariqa, Filipe Luis 1987 yilda Arsen Vengerdan keyin «Monako» bosh murabbiyi sifatida dastlabki uchta o‘yinining barchasida g‘alaba qozongan birinchi mutaxassis bo‘ldi.

Biroq endi «Monako»ni ancha murakkab uchrashuvlar kutmoqda. Jamoa keyingi bahslarda «Marsel» va «PSJ»ga qarshi maydonga tushadi.