«Bavariya» bosh murabbiyi Vensan Kompani Germaniya Bundesligasining 1-turida «Shtutgart» ustidan qozonilgan 5:1 hisobidagi g‘alabadan keyin o‘z fikrlarini bildirdi.

«Gap faqat mavsumni qanday boshlaganimizda emas. Biz so‘nggi yillarda qilgan ishlarimizni davom ettirishga harakat qilyapmiz: yuqori energiya, katta harakat hajmi va, albatta, gollar. Bugun futbolchilar buni yana bir bor ko‘rsatdi.

Bu bor-yo‘g‘i bitta o‘yin va uch ochko. Endi hammasi yana noldan boshlanadi — biz hali hech narsa yutganimiz yo‘q. G‘alabaga bo‘lgan chanqoqlik birinchi kundagidek qolishi kerak.

O‘yin boshida juda qiyin bo‘ldi, ammo bu tabiiy. «Shtutgart» jismoniy jihatdan ham, yakkakurashlarda ham juda kuchli jamoa. Shunga qaramay, biz xotirjamlikni saqladik va yaratayotgan vaziyatlarimiz tobora xavfli tus ola boshladi.

Yakunda, menimcha, munosib g‘alaba qozondik, ammo bu oson kechmadi. Biz doimo yuz foiz kuch bilan harakat qildik, himoyachilar ortidagi bo‘sh hududlarga muntazam ochildik va bir-birimizga qayta-qayta yordam berdik. Oxir-oqibat aynan shu jihat hal qiluvchi omilga aylandi», — dedi Kompani.