«Yuventus» bosh murabbiyi Luchano Spalletti yarim himoyachi Frank Kessi bilan muzokaralar nega muvaffaqiyatsiz yakunlangani haqida fikr bildirdi.

Turinliklar uzoq vaqt davomida Kot-d’Ivuar futbolchisini qo‘lga kiritish uchun asosiy da’vogar sifatida qaralayotgan edi. Biroq yakunda tomonlar kelishuvga erisha olmadi. Shanba kuni esa 29 yoshli futbolchining avval ham o‘ynagan «Atalanta» klubiga qo‘shilgani rasman e’lon qilindi.

«Men Kessiga barcha yaxshiliklarni tilayman. U - professional. Biz xabar almashib turdik, u hatto mendan uzr so‘radi, chunki bizning jamoaga o‘tishni istagan edi. Ammo men uning vaziyati haqida yetarlicha ma’lumotga egaman va nima sodir bo‘lganini bilaman», — dedi Spalletti A Seriya 2-turida «Parma» ustidan 2:0 hisobida qozonilgan g‘alabadan keyin.

Frank Kessi erkin agent maqomida edi. U joriy yozda Saudiya Arabistonining «Al-Ahli» klubini tark etgan.