«Benfika» markaziy himoyachisi Tomash Arauju bilan shartnomani uzaytirish niyatida. Bu haqda insayder Fabrisio Romano xabar berdi.

Manba ma’lumotiga ko‘ra, Portugaliya klubi Arauju bo‘yicha La Liga va Angliya Premyer-ligasining yetakchi jamoalaridan tushgan takliflarni rad etgan. Endi esa «Benfika» futbolchi bilan yangi shartnoma imzolashga yaqin turibdi.

Araujuning amaldagi kelishuvi 2029 yil 30 iyunga qadar mo‘ljallangan. U 2016 yil iyul oyidan buyon «burgutlar» tizimida to‘p tepib kelmoqda.

Joriy mavsumda himoyachi klub miqyosida 6 ta uchrashuvda maydonga tushib, 1 ta gol urdi.