Fransiyaning «Lion» klubi yarim himoyachi Malik Fofanani Angliyaning «Sanderlend» klubiga sotishga yaqin turibdi. Bu haqda jurnalist Janluka Di Marsio sayti xabar bermoqda.

Manba ma’lumotiga ko‘ra, ingliz klubi bilan muzokaralar yakuniy bosqichga kirgan. Transfer qiymati taxminan 40 million yevroni tashkil etishi kutilmoqda.

Futbolchi allaqachon Lion shahrida tibbiy ko‘rikdan o‘tgan.

Fofananing sotilishi «Lion»ning moliyaviy ahvolini sezilarli darajada yaxshilashi va Fransiya futboli moliyaviy nazorat organi — DNCG tomonidan klubga qo‘yilgan cheklovlar ta’sirini yumshatishi kutilmoqda.

O‘tgan mavsumda Fofana 16 ta o‘yinda 2 ta gol urdi va 1 ta golli uzatmani amalga oshirdi. Joriy mavsumda esa u 6 ta uchrashuvda 2 ta gol urishga muvaffaq bo‘ldi.