O‘zbekistonlik hakamlar va rasmiylar Osiyo Elit Chempionlar ligasining birinchi tur uchrashuvlarida faoliyat olib boradi.
Ilgiz Tantashev boshchiligidagi hakamlar brigadasi 15 sentyabr kuni BAAda bo‘lib o‘tadigan «Al-Ayn» va «An-Nasr» jamoalari o‘rtasidagi bahsni boshqarib boradi.
Uchrashuvda Ilgiz Tantashev bosh hakam sifatida ishlaydi. Unga qanotlarda Andrey Sapenko va Timur Gaynullin yordam beradi. Ahrol Risqullayev esa VAR hakami vazifasini bajaradi.
Shuningdek, yana ikki nafar o‘zbekistonlik mutaxassis Osiyo Elit Chempionlar ligasining dastlabki tur uchrashuvlariga tayinlangan.
14 sentyabr kuni Saudiya Arabistonida o‘tadigan «Al-Qodisiya» — «Al-Vasl» bahsida Vladislav Seytlin hakamlar nazoratchisi sifatida ishlaydi.
16 sentyabr kuni Tailandda tashkil etiladigan «Port FC» — «Vissel Kobe» uchrashuvida esa Valentin Kovalenko hakamlar nazoratchisi vazifasini bajaradi.
