Mashhur insayder Fabrisio Romano «Chelsi» va «Monako» vakillari o‘rtasida yuzaga kelgan nizo haqida fikr bildirdi.
Yozgi transfer oynasi yopilishi oldidan tomonlar yarim himoyachi Lamin Kamara transferi bo‘yicha barcha shartlarni kelishib olgan edi. Senegallik futbolchi «ko‘klar» safiga qo‘shilishi kerak edi, ammo monegasklar so‘nggi daqiqada transferni bekor qilib, London klubi rahbariyatining qattiq g‘azabiga sabab bo‘ldi.
«Men butun faoliyatim davomida “Chelsi” direktorlarini bunday g‘azablangan holda atigi bir necha marta ko‘rganman. O‘ylaymanki, yaqin yillarda “Chelsi” va “Monako” o‘rtasidagi transferlarni deyarli ko‘rmaymiz», — dedi Romano o‘z podkastida.
Lamin Kamaraning transferi ingliz klubiga 55 million yevroga tushishi mumkin edi.
