"Manchester Yunayted" bosh murabbiyi Maykl Kerrik yozgi transferlardan keyin jamoa tarkibi kuchayganiga ishonch bildirdi.

Bu yozda "Yunayted" "Chelsi"dan Andrey Santosni, "Aston Villa"dan Yuri Tilemansni va "Brayton"dan Karlos Balebani o‘z safiga qo‘shib oldi. Darvozabon Karl Darlou esa "Lids"dan erkin agent sifatida keldi.

"Menimcha, biz klubga juda yaxshi futbolchilarni olib keldik va tarkibni turli jihatlardan kuchaytirdik — ham individual, ham jamoaviy nuqtai nazardan. Biz o‘sdik, deb o‘ylayman.

Transfer oynasiga kirganda, uni boshlagan paytingizdagidan kuchliroq bo‘lib chiqishni xohlaysiz. Menimcha, biz bunga erishdik.

Transfer oynasi hech qachon oson kechmaydi. Bu safargisi ham turli sabablarga ko‘ra murakkab bo‘ldi. APLda va uning atrofida juda katta pullar sarflanyapti. Biz esa o‘zimizdagi imkoniyatdan maksimal darajada foydalandik, deb o‘ylayman.

Biz yashaydigan futbol dunyosi shu. Ayrim paytlarda klublar juda katta mablag‘ sarflaydi. Ba’zida bizdan ko‘proq, ba’zida esa kamroq. Biz o‘z imkoniyatlarimizni to‘g‘ri baholab, bor resursdan unumli foydalanishimiz kerak.

Menimcha, biz juda yaxshi jamoamiz va yanada kuchayishda davom etmoqchimiz", — dedi Kerrik.