«Everton» bosh murabbiyi Devid Moyes transfer oynasining so‘nggi kunida «Monako» hujumchisi Folarin Balogunning jamoaga o‘tishi nega amalga oshmaganiga izoh berdi.
«Bunda hech kimni ayblash kerak emas. Futbolda bunday holatlar tez-tez uchrab turadi. Tibbiy ko‘rik vaqtida futbolchida muammo aniqlandi va shu bilan kelishuv barbod bo‘ldi. Buning ortida boshqa hech qanday sabab yo‘q», — dedi Moyes.
«Ko‘proq transferlarni amalga oshira olmaganimizdan va yakunda barchasi biz uchun omadsiz yakunlanganidan afsusdaman. Ba’zida futbolda ko‘ngilsizliklarga ko‘nikishga to‘g‘ri keladi. Biz buni qabul qilamiz va oldinga harakatlanishda davom etamiz», — qo‘shimcha qildi murabbiy.
